|
USA
Etter ein innhaldsrik tur til USA i
sommar har vi hatt litt ferie i
august og er no attende i full
sving. Vi var i Los Angeles i nesten
6 veker i sommar og jobba der både
med manus for Yeshua-filmen og møtte
våre samarbeidspartnarar Ian Jessel
og Tom Allen. Begge jobbar i
filmindustrien og har stor tru på
Yeshua-filmen. Vi var i USA i lag
med Willy Ludvigsen og Kenneth
Eriksen, som har produsert musikken
for Yeshua, var også der.
Tom Allen var involvert i
markedsføring av filmen The Passion
og reiste rundt i lag med Mel Gibson
for å promotere den filmen. Han trur
Yeshua er ein type film som kan også
treffe eit breidt publikum og som
kan presentere Jesus på ein måte som
apellerer til folk over heile verda.
Sjølv er han katolikk, og ser med
stor forventing fram til at Yeshua
kan kome ut til folk i den katolske
verda, der svært mange ikkje har
kjennskap til kven Jesus eigentleg
er. Det er nettop det vi
jobbar for og det er det
som er målet med heile filmsatsinga.
Vi møtte også den kristne
filmprodusenten Tom Newman i Tulsa.
Vi har hatt kontakt med han i løpet
av fleire år sidan vi sette opp The
Covenant-musikalen i USA, og han har
veldig tru på Yeshua-filmen. Han er
veldig involvert i det som rører seg
innan film og media i evangeliske
kretsar i USA, og samarbeider med
mange av dei store og kjende
"ministries" vi her på berget ser på
tv. Tom Newman er ein viktig
samarbeidspartnar for det vidare
arbeidet med Yeshua. Han har
erfaring på finansiering og
produksjon av filmar, og vil vere
med å skaffe midlar til produksjonen
frå USA saman med Tom Allen som har
sitt nettverk i den katolske verda.
Vi trur at USA er den viktigste
marknaden for filmen og at også
store delar av finansiering vil kome
derifrå.
Framdrift
Vi gleder oss til det som ligg
framfor oss, og vi
 jobbar
etter planen med at filming startar
i september/oktober neste år. Vi
takkar for at de står med oss og ber
for prosjektet vidare og vi er så
takknemlige for alle partnarar som
satsar med oss for å realisere
Yeshua-filmen. Dei månadlege gåvene
til stiftelsen er midlar som sørgar
for at prosjektet har framdrift, og
det er på grunn av desse at vi har
kome så langt i prosessen.
Vil du vere med å støtte arbeidet
vårt, kan gåvekonto 3991.05.65048
brukast. Vil du vere med som
månadleg givar, kan du klikke
her for å melde deg på med
signering ved BankID.
Stiftelsen Covenant Ministries er no
den største enkeltaktøren i
filmarbeidet, der støtte og gåver
frå enkeltpersonar og kyrkjelydar
kjem inn, og også investerast inn i
filmen Yeshua.
Mange takk til dykk alle som står
med oss!
Helsingar,
Elizabeth og Robert Muren |
